„Болеро“ на Равел се враќа на балетната сцена на НОБ
Поради големиот интерес, в петок повторно ќе се одржи гала-оперски концерт во 20 часот, информираат од Националната опера и балет (НОБ).
На него ќе настапат солистите: Сандра Митровска (сопран), Катерина Стојановска (сопран), Ѓорѓи Цуцковски (тенор) и Марјан Јованоски (баритон), во придружба на оркестарот при НОБ, под диригентската палка на Бисера Чадловска.
Во вториот дел публиката ќе има можност да го проследи балетот „Болеро“ од Морис Равел, во кореографија на Саша Евтимова, подготвена во согласност со препораките на Комисијата за заразни болести. Тоа е балет под маски, без допир и на дистанца.
Ќе настапат женскиот балетски ансамбл, Катерина Стојановска – сопран и Оркестарот на НОБ.
Диригент ќе биде Бисера Чадловска, концерт-мајстор Јане Бакевски, кореограф Саша Евтимова, костимограф Марија Пупучевска, светло-дизајн Милчо Александров.
Настанот ќе се одржи според протоколите предвидени со моментната состојба предизвикана од пандемијата на Ковид-19 за одржување настани.
Задолжително е носењето заштитна маска, а влезот за публиката ќе биде отворен еден час пред почетокот на настанот.