Бојко Борисов вели: „Јас сум бугарскиот Навални“

Поранешниот премиер Бојко Борисов, кој минатата недела беше приведен 24 часа поради наводни корупциски дела, го поврза неговото апсење со војната во Украина. Во четвртокот, тој рече дека бил приведен откако изјавил дека ГЕРБ ќе ја поддржи владата во парламентот доколку сака да се гласа за воена помош. А бидејќи имаше загриженост дека некоја од партиите во коалицијата може да гласа против и одлуката да помине со гласовите на опозицијата, владејачката партија беше загрижена.

„Моите претпоставки се овие, инаку поминаа две години“, рече лидерот на ГЕРБ, пренесуваат бугарските медиуми.

Неговата партија досега не иницираше испраќање воена помош за Украина, ниту пак активно зборуваше во парламентот дека ќе поддржи такво нешто.

ГЕРБ ја измисли оваа референтна точка во последните ден или два, а во средата за првпат ја изговори претседателката на Генералното собрание на ГЕРБ Десислава Атанасова.

Според Борисов, другата причина за неговото апсење е тоа што премиерот Кирил Петков бил убеден дека сепак доаѓаат избори и сакал во својата кампања да каже дека го уапсил Борисов. Поранешниот премиер тврди дека тоа го дознал од луѓе во владејачката коалиција.

Конкретната причина за 24-часовниот притвор на Борисов, неговиот поранешен министер за финансии Владислав Горанов и неговата советничка за медиуми, Севделина Арнаудова, беше истрагата за изнуда на коцкарскиот бос Васил Бошков, кој тврди дека им платил десетици милиони мито на Борисов и Горанов. Обвинителството сепак не виде доволно докази и приведените беа ослободени без обвинение.

Една недела по апсењето, Борисов се виде себеси во улогата на рускиот опозициски лидер Алексеј Навални, кој е во затвор.

„Сега ги имаме ситуација како во Русија, Путин со Навални, истата ситуација. Тој им наредува на сите – така, така, така – ајде, оди. Уште девет, уште осум, уште седум години затвор. Апсолутно иста ситуација. Важно е да не им објаснуваме. Зошто земаа нови кредити, зошто крадат бензин, да не ги спречуваме да ја крадат пченицата, а кога си во притвор не можеш“, коментира поранешниот премиер.

Тој даде „хронологија“ на притворот. Рече дека полицијата „налетала“ ненадејно и изненадувачки додека бил на вечера со внуците. Започнале потрага и не нашле ништо. Борисов објасни дека потоа министерот за внатрешни работи Бојко Рашков барал злато и пари. Но, тие не можеа да ги најдат бидејќи ги немало.

Лидерот на ГЕРБ рече и дека слушнал како полицијата наредува по секоја цена да биде изваден со лисици на рацете пред медиумите.