Бишевац летово барал да биде кандидат на СДСМ
Генералниот секретар на СДСМ Љупчо Николовски, во интервјуто за „Утрински брифинг“ рече дека Сафет Бишевац, најголемото изненадување на кандидатската листа на ВМРО-ДПМНЕ за изборите, претходно барал да биде кандидат на СДСМ.
-Господинот Бишевац во текот на летото беше во мојот кабинет и побара да биде кандидат на листата на СДСМ. Јас му реков дека ниту можам да разговарам, ниту пак да гарантирам во тој момент. Очигледна е желбата да стане пратеник, но ние имавме јасна и прецизна постапка, која што на крајот ја исфрли најквалитетната кадровска и програмска понуда, изјави Николовски.
Николовски притоа изјави дека СДСМ вовела повисоки стандарди во политичкото однесување, селекција, развој на кадри и отвореност на партијата.