Били Портер го прекина молкот: 14 години криев дека сум ХИВ позитивен
САД – Наградуваниот актер Били Портер (51) го прекина молкот за дијагнозата за ХИВ, велејќи дека тој скоро на никој не му зборувал 14 години од срам и страв од одмазда и маргинализација во неговата индустрија.
„Вистината е заздравување. И се надевам дека ова ќе ме ослободи. Се надевам дека ова ме ослободи за да можам да доживеам вистинска, неизвалкана радост, за да можам да доживеам мир, за да можам да доживеам блискост, за да можам да имам секс без срам,изјави Портер во интервју за „ Холивуд рипортер “.
После две децении кариера како ѕвезда на Бродвеј – особено во „Ангели во Америка“ и „Кинки чизми- тој го најде успехот и како писател и режисер. Портер, по освојувањето на наградите Еми, Греми и Тони, ја најде својата најмасовна фан-база до денес, по улогите во Pray Tell во серијата FX Pose – и брзо се позиционираше како ѕвезда на црвениот килим на кој му беше дозволено сѐ, без разлика дали е на Мет Гала или на Оскарите.
Изолацијата заради пандемијата го навела да размислува за својата тајна, чувана од неговата мајка и најблиските во екот на кризата со СИДА-та во 80-тите.
„ Да и кажам на мајка ми ми беше најтешко зашто потекнувам од религиозно семејство. А таа ми рече: Јас сум твоја мајка, те сакам без оглед на се “, се присетува Портер.
Портер ја нарече 2007 година, година кога му беше дијагностициран ХИВ, најлоша година во животот. Покрај неговиот ХИВ статус, истата година му дијагностицирале и дијабетес тип 2 .
„Преживеав за да можам да ја раскажам приказната. Сега се обидувам да имам семејство; сега не сум само јас. Време е да пораснете и да продолжите понатаму затоа што срамот е деструктивен – и ако не се справи со тоа, може да уништи сè што е на својот пат “.
Серијата на Портер е во својата трета сезона, последната рунда за шоуто. Тој пишува мемоари, работи на документарец на Нетфликс за неговиот живот и оваа година ќе глуми безполова самовила кума во новиот филм за „ Cinderella,” “, закажан за септември на Амазон премиер. (АП)