Били Ајлиш загуби над 100.000 следачи поради слики со голи гради

САД– Американската поп-ѕвезда Били Ајлиш загуби над сто илјади следачи на Инстаграм откако објави стилизирано обоена слика од две жени со голи гради.

Имено, како дел од еден „интернет-предизвик“, обожавателите ја замолија пејачката да објави што ѝ стои на позадината од телефонот… Потоа таа ја објави полуеротската слика и уште една со рачно нацртани голи женски гради, задници и змии, со шеговит коментар „(Се смеам на глас) Обожавам гради“.

Некои веднаш забележаа дека пејачката загуби 100.000 следачи.

„(Се валкам од смеење) Какви бебиња сте сите вие“, гласеше нејзиниот коментар потоа.

Според многумина, инаку, пејачката важи за една од оние што вообичаено претпочитаат да не привлекуваат внимание со сексуални провокации, туку само со своето творештво и талент.