Бијонсе и Адидас го прекинаа партнерството

САД- Бијонсе и Адидас меѓусебно се договорија да го прекинат нивното партнерство за IVY PARK, кое првично започна во 2018 година.

Како што објави „Холивуд репортер“, меѓу двете страни имало „големи креативни разлики“, што довело до прекин на договорот. Според весникот, добитничката на Греми со нетрпение очекува да ја врати креативната слобода на нејзината етикета.

Претходно оваа година во февруари, извештаите тврдеа дека партнерството IVY PARK x Аdidas всушност предизвикува губење пари на германскиот гигант за спортска облека. Документите наведуваат дека „приближно половина од произведената стока останала непродадена“ и дека IVY PARK „губела пари за Адидас“.

Етикетата на Бијонсе IVY PARK е родена во 2016 година како заедничко вложување со Сер Филип Грин од Топшоп, додека поп-ѕвездата подоцна стекна целосна сопственост по завршувањето на договорот 50-50 во 2018 година.

Последната колекција на IVY PARK „PARK TRAIL“ беше лансирана во февруари оваа година, откако беше промовирана на приватен концерт во Дубаи, што го одбележа првото шоу во живо на Бијонсе по четири години.