Биба Додева е позитивна на коронавирус

Поп-пејачката и претседателка на Здружението за борба против ракот на дојка  „Борка“ Биба Додева на својот инстаграм профил објави дека е позитивна на Ковид-19.

„Време е за Ковид-19. Дај Боже да помине поскоро“, напиша Биба покрај фотографиите со нејзиниот внук.

Додева, во септември, во рамките на Скопски градски фестивал имаше концертна промоција на својот најнов музички проект – албумот „Незаборавни”. Во јавноста повеќе е присутна со Здружението „Борка“ која ја организира розовата трка и прошетка за подигање на свеста за ракот на дојка,  а чии подржувачи се првата дама Ѓоргиевска и претставнички од дипломатскиот кор во земјата.