БГНЕС: Врие од улици со имиња на комунистички диктатори, Павел Шатев протеран од градот
![](https://nezavisen.mk/wp-content/uploads/2021/02/ulicite.jpg)
Бугарската новинска агенција БГНЕС реагира на предлогот за промена наимињата на улиците во Скопје оценувајќи дека имињата на најпознатите водачи на национално ослободителното движење, вклучително и на учесници во солунските атентати, се избришани од градот.
-Веќе нема да има улица во Скопје именувана по Борис Сарафов, кој заедно со Даме Груев и Анастас Лозанчев го предводеа штабот на Илинденското востание во 1903 година. Павел Шатев, еден од солунските атентатори, е протеран од градот. По 1945 година тој бил испратен во егзил од режимот на југословенскиот диктатор Јосип Броз Тито, а неговото тело било фрлено во дворот на црква во градот Битола.
Шилегов исто така ја избриша улицата на еден од основачите на ВМРО Христо Батанџиев и на трагично загинатиот во 2004 година во авионска несреќа претседателот Борис Трајковски. И денес македонската престолнина е единствениот град во Европа каде се среќаваат улици и булевари со имиња на комунистички лидери, вклучувајќи го и диктаторот Тито. Нема единствена улица во градот именувана по барем еден од десетиците илјади прогонувани и убиени од 1945 година. Со имиња на комунистичките водачи има многу фабрики, училишта, па дури и културни центри, тврди БГНЕС.