Без вода шест улици во Скопје

 Без вода во моментов се корисниците на дел од улиците „Брсјачка Буна“, „Злетовска“, „Демирхисарска“, „Слан Дол“, „Овчеполска“ и „Јован Хаџи Шишко“, информираат попладнево од Јавното претпријатие „Водовод и канализација“ – Скопје.

Како што појаснуваат, причината е скината цевка на крстосницата од улиците „Брсјачка Буна“ и „Злетовска“.

Од претпријатието нагласуваат дека водоснабдувањето ќе биде прекинато до завршување со санација на дефектот.