Бензините поскапуваат по 2 и 2,5 денари, дизелот поскапува 3 денари

Претпразнично се зголемуваат цените на горивата – по минатонеделното зголемување, цените повторно одат нагоре.

Во согласност со методологијата за пресметка на цените на горивата, од вечерва на полноќ малопродажните цени се зголемуваат во просек за 2,43 отсто.

Цената на ЕУРОСУПЕР-95 се зголемува за 2,5 денари и еден литар 95-октански бензин ќе чини 89.00 денари. Цената на ЕУРОСУПЕР-98 се зголемува за 2 денари и еден литар 98-октански бензин ќе чини 91 денар.

Цената на ЕУРОДИЗЕЛ горивото се зголемува за 3 денари и еден литар дизел ќе чини 100.50 денари.

Новите цени стапуваат на сила вечерва на полноќ.