Бела ноќ во ритамот на македонските евергрини (галерија)
Скопје синоќа беше во знакот на македонските евергрини. Ги изведоа најголемите македонски музички ѕвезди: Влатко Стефановски, Тамара Тодевска, Јаков Дренковски, Дарио и други, во придружба на „Баги биг-бендот“, под диригентската палка на маестро Љупчо Мирковски, на традиционалната 16. Бела ноќ, пред „Борис Трајковски“.
Една недела порано од вообичаеното, на десет локации (паркингот пред СРЦ „Борис Трајковски“, МКЦ, зеленото пазарче, плоштадот „Ибни Пајко“, Музејот на современата уметност, домот на културата „Кочо Рацин“, Архитектонскиот факултет, градската библиотека „Браќа Миладиновци“ и Даутпашиниот амам), посетителите можеа да ги погледнат перформансите, концертите, изложбите и другите културно-уметнички активности.
Фотогалеријата на нашиот фотограф Борис Грданоски ви ја пренесува атмосферата на културно и весело Скопје и во време на Ковид-19.
