Бела куќа: Северна Кореја и обезбедила на Русија балистички ракети и лансирни рампи

Северна Кореја неодамна и доставила на Русија балистички ракети и лансирни рампи за употреба во конфликтот во Украина, соопшти денеска Белата куќа, повикувајќи се на декласифицирани разузнавачки информации.

Советникот за национална безбедност на Белата куќа, Џон Кирби, рече дека трансферот на оружје на Северна Кореја во Русија е „значајна и вознемирувачка ескалација“ и додаде дека САД ќе воведат дополнителни санкции против оние кои ја олеснуваат продажбата на оружје.

Кирби нагласи дека Иран не ја снабдува Москва со балистички ракети со краток дострел, но дека Вашингтон верува дека Русија има намера да купи дополнително ракетно оружје од Техеран.