Балетот „Заспаната убавица“ вечерва во НОБ
![](https://nezavisen.mk/wp-content/uploads/2023/03/zaspanata-ubavica-balet.jpg)
Балетската претстава „Заспаната убавица“ од Петар Илич Чајковски вечерва и на 21 ноември ќе биде изведена на сцената на Националната опера и балет.
Диригент на претставите е Бисера Чадловска, а кореограф е Виктор Јаременко од Украина. Асистент-кореограф е Тетјана Белецка од Украина, сценограф и костимограф Миодраг Табачки од Србија, светло дизајн Милчо Александров, концерт-мајстор Јане Бакевски, соло виолина: Климент Тодороски.
Во главните улоги ќе настапат: Мими Поп Алексова Атанасовска, Франциско Хименез Руиз (Шпанија), Аманда Роча (Бразил), Ангела Велевска.
Во главните улоги на 21 ноември ќе настапат: Марија Кичевска Шокаровска, Франциско Хименез Руиз (Шпанија), Наташа Трендафилова Гицев, Ангела Богатинова.
Настапуваат солистите, балетскиот ансамбл и оркестарот на Националната опера и балет.