Балетот „Дамата со камелии“ вечерва во НОБ
![](https://nezavisen.mk/wp-content/uploads/2024/02/Damata-so-kamelii-3.jpg)
На сцената на Националната опера и балет вечерва во 20 часот ќе биде изведена балетска претстава „Дамата со камелии“ работена по музиката на Џузепе Верди, а драматуршката подлошка е земена од неговата популарна „Травијата“.
Диригент е Иван Еминовиќ, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, а сценографијата и костимографијата се на Павол Јураш од Словачка, концерт-мајстор е Климент Тодороски.
Во главните улоги ќе настапат Марија Кичевска Шокаровска и Франциско Хименес Руиз (Шпанија) со солистите, балетскиот ансамбл и оркестарот на Националната опера и балет.