Бајден ја покани Македонија на Самитот за демократија, Србија исклучена

Американскиот претседател Џо Бајден на 9 и 10 декември ќе организира голем Самит за демократијата, на која се поканиети 100 држави, меѓу кои и Македонија. На овој виртуелен самит, како што објавува американски „Политико“, ги нема на списокот Србија, Босна и Херцеговина и Косово, а освен Македонија од регионот ќе бидат присутни и Албанија и Црна Гора.

Дискусијата ќе се фокусира на предизвиците и можностите со кои се соочува демократијата, а агендата на самитот сѐ уште е доверлива, бидејќи тимот на Бајден работи на нејзиното обликување.

Тимот на Бајден разговараше за покренување за време на самитот е меѓународна алијанса за промовирање на слободата на интернет – наречена „Алијансата за иднината на Интернет“, според документите до кои дојде „Политико“. Американските функционери, исто така, доставија листа на потенцијални обврски што другите земји можат да ги преземат, како што се зголемување на средствата за програми за медиумска писменост или донесување извозни контроли на некои технологии со двојна употреба, пишува „Политико“.

Но не е јасно колку земји кои ќе присуствуваат на самитот ќе се пријават за обврски или колку ќе го следат. „Симболиката на собирот е важна, но вистинската промена врз основа на која самитот ќе создаде останува да се види“, рече Стивен Фелдштајн, висок соработник на Фондацијата Карнеги за меѓународен мир. „Има многу големи прашања на масата кои првичниот собир нема да ги реши, како што да се прави со послабите демократии кои покажуваат уназадување“.