Бајден издаде наредба за напад

Американскиот претседател Џозеф Бајден нареди напад врз милициите поддржани од Иран во Ирак, по ранувањето на американски војници во напад со беспилотно летало во северен Ирак.

Портпаролката на Советот за национална безбедност на САД, Адриен Вотсон изјави дека еден од војниците е тешко повреден во нападот што се случи во понеделникот.

Агенцијата АП јавува дека проиранската група Катаиб Хезболах и нејзините филијали ја презеле одговорноста за нападот со беспилотно летало.

Бајден, кој ги поминува божиќните празници во претседателскиот камп во Кемп Дејвид во Мериленд, им нареди на лидерите на Пентагон да подготват опции како одговор на нападот врз базата што ја користат американските војници во Ербил.

За само неколку часа, Бајден собра тим за национална безбедност, кој го информираше за опциите, а американскиот претседател одлучи да нападне три локации што ги користат Катаиб Хезболах и неговите филијали, рече Вотсон.

„Претседателот нема поголем приоритет од заштитата на американските војници кои се нападнати. САД ќе дејствуваат во моментот и на начинот на кој ќе се одлучи дали нападите продолжат“, рече Вотсон.