Бајага се разведе од Емилија по 33 години брак
Србија- Регионалната поп-ѕвезда Бајага, чии песни ја обележаа нашата младост, и неговата сопруга Емилија се разведоа, пишуваат српските медиуми.
Двојката последен пат е видена заедно во 2019 година, а Момчило неколку пати изјавил дека е вљубен во Емилија и по толку години брак.
Тие се венчаа во 1989 година, а пред тоа живееја заедно седум години.
Сопругата и децата, синот Марко кој се интересира за спортско новинарство и ќерката Анџела, која свири клавир и гитара, ги држеше подалеку од очите на јавноста.
Бајага и Инструктори во 2019 година прославија 35 години постоење, а по тој повод одржаа концерт за рок бенд, оркестар и хор во белградскиот Сава центар. Нивните најголеми хитови беа специјално аранжирани за оваа пригода, а на сцената ги придружуваа белградски солисти под диригентство на Војкан Борисављевиќ и хорот на АКУД Иво Лола Рибар и сопранот, оперската солистка Наташа Тасиќ Кнежевиќ.
Концертот е снимен во декември 2019 година од РТС продукција и звучната екипа на Радио Белград, режисер беше Наталија Миќевиќ, а звук инженер на концертот беше Никола Врањковиќ. Постпродукцијата ја работеше Марко Њежиќ, сето тоа под окото на извршниот продуцент Драгослав Гане Пецикоза. Самото издание го красат фотографиите на Небојша Бабиќ, Марина Пешиќ и Wood.rs, додека уметничкиот дизајн го дизајнираше Вукашин Марковиќ.
Бајага и „Инструктори“ годинава, прва полна по концерти, а по најтешкиот дел од пандемијата на коронавирус, продолжуваат со настапи и слават музика. Можете да ги фатите низ целиот регион, од Шибеник до Херцег Нови, а за повеќе информации посетете ја нивната Фејсбук страница.