Бахреин ги следи Емиратите и ги нормализираше односите со Израел

Бахреин им се придружи на Обединетите Арапски Емирати во постигнувањето договор за нормализирање на односите со Израел во петокот, драматичен потег насочен кон ублажување на тензиите на Блискиот Исток.

Американскиот претседател Доналд Трамп ја објави на Твитер веста откако телефонски разговараше со кралот на Бахреин Хамад бин Иса Ал Калифа и со израелскиот премиер Бенјамин Нетанјаху, соопшти Белата куќа.

„Ова е историски чекор напред кон понатамошниот мир на Блискиот Исток“, рекоа САД, Бахреин и Израел во заедничката изјава.

„Отворањето на директен дијалог и врските помеѓу овие две динамични општества и напредните економии ќе продолжи со позитивната трансформација на Блискиот исток и ќе ги зголеми стабилноста, безбедноста и просперитетот во регионот“, се вели во неа.

Обединетите Арапски Емирати минатиот месец се согласија да ги нормализираат врските со Израел според договорот со посредство на САД. Тој договор е предвидено да биде потпишан на 15 септември на церемонијата во Белата куќа, каде домаќин ќе биде Трамп, а ќе присуствуваат израелскиот премиер Бенјамин Нетанјаху и министерот за надворешни работи на ОАЕ, шеикот Абдулах бин Заед ал-Нахјан.

Олеснувањето на односите со Израел доаѓа поради заедничките стравувања во врска со заканата на Иран за регионот.

Администрацијата на Трамп се обиде да ги издејствува другите сунитски арапски земји да се вклучат во Израел. Најмоќната од нив, Саудиска Арабија, сигнализираше дека не е подготвена.

Бахреин, мала островска држава, е близок сојузник на Саудиска Арабија и место на регионалното седиште на американската морнарица. Ријад во 2011 година испрати војници во Бахреин да помогнат во задушувањето на бунтот и заедно со Кувајт и ОАЕ, во 2018 година му понудија на Бахреин економска помош од 10 милијарди долари.

Договорот од петокот го прави Бахреин четврта арапска земја што постигнала таков договор со Израел од размената на амбасадите со Египет и Јордан пред неколку децении. (Ројтерс)