Азаренка: Очигледно ќе мора да се обидам повторно

Викторија Азаренка, која го загуби третото финале на УС Опен, и честиташе на шампионката на УС Опен, Наоми Осака, која триумфираше по втор пат во Њујорк, откако тоа го стори во 2018 година.

Јапонката вчера вечерта ја совлада Азаренка со 1:6, 6:3, 6:3.

– Мислев дека среќата доаѓа на трета, но претпоставувам дека ќе треба да се обидам повторно. Честитки за тебе и за твојот тим, Наоми, тоа беа неверојатни две недели. Јас сум многу среќна за тебе и се надевам дека ќе се видиме во повеќе финалиња. Сакам да му се заблагодарам на мојот тим што продолжи да биде покрај мене и да верува во мене. Следните недели исто ќе бидат забавни. Се радувам на ова патување. Патот досега беше долг, но беше забавен, рече Азаренка на доделувањето на наградите.

Мечот започна на кошмарен начин за Осака, откако набрзина го загуби првиот дел и заостануваше со 0:2 во вториот сет пред направи голем пресврт.

– Прво сакам да и честитам на Вика. Не сакам да играм повеќе финалиња со тебе, тоа беше многу тежок натпревар за мене, но во исто време и инспиративен, бидејќи кога бев помлада гледав како играш овде и ми беше одлично да имам можност да играм со тебе, со насмевка се обрати на Азаренка новиот шампион за време на доделувањето на наградите.

Осака не пропушти да им се заблагодари на луѓето во својот тим, на ВТА и на организаторите на УС Опен, не заборавајќи го своето семејство.

– Мислев дека ќе биде многу непријатно да го загубам мечот за помалку од еден час и се трудев се од себе да престанам да бидам лошо расположена, додаде Осака, зборувајќи за тоа како се чувствуваше на страшниот почеток на финалето. .