Автобус од Србија се преврте во Унгарија: 15 повредени, меѓу кои и деца
Тешка сообраќајна несреќа се случи во саботата наутро на автопатот 53 во Унгарија, кога дури 15 лица беа повредени при превртување на автобус од Србија, кој превезувал туристи од Белград.
Во автобусот имало 55 патници и двајца возачи.
Според унгарските медиуми, повредени се 15 лица, а 12 се веќе во болница.
Брзата помош на лице место згрижила тројца.
Меѓу повредените патници има и две деца, кои исто така се пренесени во болница.
Некои патници останале заробени во автобусот, па биле извлечени од пожарникарите.
Сопственичката на агенцијата е на лице место. Еден патник се вратил во Белград, а другите со друг автобус го продолжиле патувањето, јавува Бе92.
