Австралискиот пилот и патниците се ослободени по краткото киднапирање во Папуа Нова Гвинеја

Австралиски пилот на хеликоптер и двајца локални работници беа ослободени неповредени во понеделникот во Папуа Нова Гвинеја, неколку часа откако беа киднапирани во оддалечените ридови, соопшти полицијата. Ослободувањето следело по преговорите со безбедносните сили, велат од полицијата.

Пилотот на хеликоптерот и патниците слетале во оддалечена телекомуникациска постројка во близина на планината Сиса во провинцијата Хела и биле киднапирани од вооружена група, се вели во соопштението на високиот претставник на папуанската полиција Дејвид Менинг.

Слично киднапирање се случи и минатата година
Тие беа ослободени неповредени откако голем број безбедносни сили реагираа и преговараа со групата преку локалните водачи, додаде тој во следната изјава. Безбедносните сили ги следеле сторителите и полицијата би употребила смртоносна сила доколку се обиделе да се спротивстават на апсењето, додаде Менинг.

„На нашата земја и е доста од овие домашни терористи кои ја поткопуваат безбедноста на нашите заедници“, рече тој. Полицијата претходно добила дозвола да употреби смртоносна сила против киднаперите.

Тројката беше киднапирана во истата провинција каде што пред речиси точно една година беа киднапирани австралиски археолог и двајца истражувачи од Папуа, по што беа задржани повеќе од една недела додека за нив не беше платен откуп. Одделот за надворешни работи на Австралија не одговори веднаш на барањето за коментар.