Авион се преврте при слетувањето на аеродромот во Торонто

Сите 80 лица на летот 4819 на американската компанија „Делта“ се евакуирани откако авионот се преврте при слетување на меѓународниот аеродром во Торонто „Пирсон“ во Канада, се вели во прелиминарното соопштение на Федералната управа за авијација.

„Летот 4819 на ‘Делта’, управуван од ‘Ендевор Ер’, се урна при слетување на меѓународниот аеродром Торонто Пирсон во Канада околу 14:45 часот. по локално време“, се вели во соопштението, во кое се истакнува дека авионот полетал од Минеаполис.

„Сите 80 луѓе во авионот се евакуирани“, се додава.

До осум лица се повредени за време на инцидент со слетувањето. Не е познат степенот на повредите.

Инцидентот доаѓа помалку од три недели откако авион на „Американ ерлајнс“ се судри среде воздух со хеликоптер „Блек хок“ на американската армија додека се приближуваше кон националниот аеродром „Реган“ во Вашингтон.