Авганистански филмови во МСУ

Киното на Музејот на современа уметност ја најавува својата нова програма посветена на авганистански автори и филмови.

Програмата започнува на 24-ти ноември (среда), во 19 часот, со проекција на филмот „Забранетата ролна“ на Ариел Наср.

Селектор на програмата е Дарко Набаков, одговорен за филмската програма на Кино МСУ.

Целосната програма во продолжение:

ЗАБРАНЕТАТА РОЛНА
Ariel Nasr , 2019, 119’
Историјата на Авганистан во втората половина на 20 век беше обележана со угнетување и насилство. Авганистанско-канадскиот режисер Ариел Наср ја раскажува оваа приказна од перспектива на авганистанската филмска историја. Интервјуата со филмскиот историчар Маријам Гани, филмаџиите Латиф Ахмади и Сидик Бармак, актерката Јасмин Јармал и други клучни играчи се прошарани со извадоци од филмови – и од фикцата и од документарен филм – од архивите на националниот филмски институт, Afghan Film. Тие покажуваат богата култура во период во кој земјата претрпе многу драстични промени, од комунистичкиот режим и војната со Русија до угнетувањето од исламските фундаменталистички талибанци.
Особено под талибанците, животите на филмаџиите беа загрозени. За тоа време, мала група луѓе успеаја да ги спасат архивите од уништување од рацете на фундаменталистите. Овој филм јасно илустрира колку е непроценлива кинематографијата, не само како уметнички израз или фактички извештај, туку и како средство за подобро да се знае и разбере сопствената историја.

Следни проекции како дел од авганистанската филмска програма се:

На 26 ноември (петок) – Kabul, City in the Wind

На 1 декември (среда) – Midnight Traveler

На 3 декември (петок) – Hava, Maryam, Ayesha