Апелациски суд во САД: Засега нема користење пари за ѕидот кон Мексико


Апелациски суд вчера ја потврди одлуката за замрзнување на пари за изградба на ѕид на американската граница со Мексико од страна на Пентагон, и тоа предизвика сомневање дека претседателот Доналд Трамп може да го исполни главното ветување од претходната зборната кампања пред следните претседателски избори во 2020 година.

Судски совет во Сан Франциско се согласи со пресуда од понизок суд со која владата е спречена да ги искористи парите на Министерството за одбрана за да изгради приоритетни делови од ѕидот во Аризона и во Њу Мексико.

Случајот се уште може да се разгледува, но ѕидот не може да се гради додека процесот трае.

Во мај, суд од пониска инстанца пресуди дека администрацијата на Доналд Трамп мора да престане да користи пари од фонд на МО за градење на ѕидот на американската јужна граница со Мексико.

Судот оцени дека Конгресот на САД не дал „специфична” дозвола за администрацијата да ги искористи парите за изградба на пограничен ѕид.