Антикорупциска ќе испитува како се трошеле буџетски пари во државни институции

Државната комисија за спречување на корупцијата ќе испитува како се трошат буџетските пари во државните и во јавните институции и друштва.

Во фокусот ќе биде Собранието, користењето на патни трошоци, ќе се испитуваат одлуките за користење службени возила, за репрезентации, надоместоци за превоз, за стан, за одвоен живот…

По допрен глас од медиуми отворена е постапка и за вработување блиски лица во Министерството за локална самоуправа и за користење возила за приватни цели.

Антикорупциската комисија ќе ги испитува и начините на кои е извршен избор на канцелариските простории на поранешните претседатели на државата.