Анкета: Бајден води со 12 поени на национално ниво меѓу веројатните гласачи

ЊУЈОРК – Демократот Џо Бајден води пред претседателот Доналд Трамп со 12 процентни поени на национално ниво меѓу веројатните гласачи во САД, според анкетата на јавното мислење на Ројтерс/Ипсос.

Анкетата од 3-8 септември објавена во средата, покажа дека 52 отсто од најверојатнте гласачи планираат да го поддржат Бајден, додека 40 проценти ќе го поддржат Трамп. Три проценти се изјасниле дека ќе гласаат за друг кандидат, а само 5 отсто се изјавиле дека се неодлучни на помалку од два месеци до претседателските избори на 3 ноември.

Анкетата покажа дека бројот на гласачи кои сè уште не поддржале кандидат на големите партии е помалку од половина од тоа што беше во 2016 година и дека Бајден во моментов има предност во обезбедувањето на националните гласови.

Дури и ако преостанатите неопределени гласачи застанат зад Трамп, покажа анкетата, тој сепак ќе го загуби народниот глас од Бајден.

Трамп сепак може да победи без да го освои националното гласање. За претседателските избори во САД не се одлучува со националното гласање, туку за тоа кој ќе победи во Изборниот колеџ во кои се бројат гласовите од изборните победи во државите.

Ова беше прв пат анкетата на Ројтерс/Ипсос да ја измери поддршка за кандидатите во 2020 година меѓу најверојатните гласачи.

Кога се мери со регистрирани гласачи кои вклучуваат оние со помала веројатност да гласаат, Бајден води со 8 процентни поени, наспроти неговото водство од 7 поени на слична анкета минатата недела.

Анкетата покажа дека веројатните гласачи се мотивирани од пандемијата на корона вирусот, која уби повеќе од 186.000 Американци и исфрли милиони од работа и враќање на довербата во владата.

На прашањето што го поттикнува нивниот избор за претседател, 28 отсто одговориле дека тоа е способноста на кандидатот да се справи со корона вирусот, а 23 одговориле дека тоа е можност за враќање на довербата во владата. Дополнителни 19 проценти рекле дека тоа е способност на кандидатот да ја зајакне економијата, а 14 отсто рекле дека бараат кандидат кој е „тврд во однос на криминалот“.

Педесет и еден процент од најверојатно гласачите изјавија дека Бајден ќе биде подобар во справувањето со одговорот на корона вирусот во САД, додека 38 отсто изјавија дека Трамп ќе биде подобар.

Бајден, кој води пред Трамп во поголемиот дел од годината во повеќето анкети на националното мислење, има корист од неодамнешната миграција кон демократите меѓу некои од најсигурните гласачи во Соединетите Држави: белците образовани на колеџ. (Ројтерс)