Анѓушев на меѓународна техничка конференција во Милано

На покана на италијанската амбасада во Скопје, сопственикот и главен извршен директор на БРАКО и ФЕРО ИНВЕСТ, Кочо Анѓушев, како посебен гостин учествуваше на меѓународната техничка конференција “WIRE&CABLE” во Милано, посветена на најновите светски текови во жичаната индустрија во делот на истражувањето, инженерството и производството на жица.

На настанот беа презентирани најсовремените технички решенија за обработката на жичани производи, при што нашите претставници се уверија дека БРАКО ги има технологиите за поцинкувана жица од последната генерација на еколошки технологии.

На конференцијата, на која присуствуваше и директорот на жичаната програма во БРАКО, Љупчо Прентоски, се остварија средби со производители и трговци со жица од Италија, при што е обезбеден дополнителен пласман на производите на БРАКО на италијанскиот пазар.

БРАКО има заедничка фирма со италијанската компанија Кonner S.r.l. ( една од компаниите на нашиот италијансkи партнер TKT Group -Italia), Koner East-Велес, преку која се остварува значајна економска соработа меѓу двете земји.