Анџелина Џоли со досега невиден стил: Авион покрај авион
САД – Моќна како актерка, ангажирана како активистка, мајка на пет деца, Анџелина Џоли позира за септемврискиот „Ел“ со досега невиден моден стил.
Фотографот Алекси Љубомирски ја виде како фатална жена – пилот пред авион, во кожена јакна, со авијатичарски очила за сонце и во мантил, од брендирани куќи, но и како романтична жена, во баде-мантил, во кревет со домашни миленици – расни големи кучиња.
– Она за што сме повикани да бидеме во овој живот е нешто што сите треба да го разбереме. Мислам дека често знаеме да ја преминеме границата како жени затоа што нашиот инстинкт е да се негуваме или да се приспособиме на очекувањата на општеството – ова е она што Џоли го пишува во својот есеј за „Ел“. Актерката ќе се појави на насловната страница на изданието од септември на 27 август.
Поранешната сопруга на Бред Пит, Били Боб Торнтон и Џони Ли Милер, зборува за улогата на жената во општеството, семејството и најчестите стереотипи за неа.
Актерката изгледа неверојатно на фотографиите направени специјално за магазинот.
„Честопати им кажувам на моите ќерки дека најважното нешто што можат да направат е да го развијат својот ум. Секогаш можете да облечете убав фустан, но не е важно што носите надвор ако немате силен ум “, вели Анџелина, според која треба да има повеќе жени во политиката.
Според 44-годишната актерка, која се чувствува совршено разведена, жената треба да има свое мислење и независна волја што ја прави особено привлечна.
Џоли споделува дека има многу работа во моментов и е задоволна од тоа што го работи.
„Може да биде тешко да се земе време да се запрашаме што навистина сакаме да бидеме – не она што мислиме дека другите ќе го одобрат или прифатат, туку што навистина сме. Но, кога ќе се слушнете сами, можете да направите избор да исчекорите, да научите и да се менувате “, објаснува таа.
Неодамна стана јасно дека најстариот син на актерката, кој е посвоен, веќе е примен како студент. Мадокс ќе студира биохемија во Јужна Кореја.
„Јас сум крајно горда на своите синови заради мажите што тие стануваат, начинот на кој ги почитуваат своите сестри и како се однесуваат со нив“, гордо коментира неговата мајка.
„Кога би живеела во минати времиња, можеби ќе сум горела многупати само затоа што сум јас“, вели актерката.