АМС ги одреди добитниците на Државната наградата „8 Септември“
Агенцијата за млади и спорт согласно Законот за државни награди ја објавува Одлуката за доделување на највисоко признание за животно дело и признанија за остварувања во областа на спортот донесена на седница на Одборот за доделување на државната награда „8-ми Септември“ одржана на ден 02.09.2022 година, соопшти попладнево АМС.
Наградата за животно дело за исклучителен придонес во развојот на спортот, афирмациајта и промоцијата на Република Северна Македонија на меѓународен план се доделува на Чедо Николовски.
Наградата, пак, со која се оддава признание на спортисти, тренери и спортски работници за остварувања во областа на спортот се доделува на Атанас Костовски, Зоран Карановиќ, Стојан Андриевски и Ацо Јорданов.
АМС за утре закажа прес-конференција по повод прогласување на добитниците на наградата.