Американци ја купуваат клучната инфраструктура на Италија

Италија денеска усвои две регулативи со кои се поддржува продажбата на мрежата за фиксна телефонија во сопственост на Телеком Италија (ТИМ) на американски инвеститор.

Тој сигнализираше дека планира да задржи малцински удел во клучната инфраструктура.

Владата ја официјализираше обврската од меморандумот за разбирање што Министерството за финансии го потпиша со американскиот инвестициски фонд ККР на 10 август.

Во меморандум, италијанското Министерство и KKР го прецизираа купувањето и продажбата на компанијата на TIM NetCo, чие сопственичко портфолио ги вклучува мрежата на фиксна телефонија и одделот за управување со подводни кабли Sparkle. Рим ѝ даде политички благослов на понудата на ККР преку декрети, но трансакцијата сепак треба да биде одобрена од францускиот медиумски гигант Вивенди, водечки акционер, со 24 отсто сопственички удел, пренесува Индекс.

Французите досега бараа повеќе пари, пишува Индекс. Американскиот фонд понуди околу 23 милијарди евра за долгот на NetCo и голем број други ставки, отворајќи го патот на италијанската влада да се вклучи во понудата со купување на 20 отсто од акциите во клучната телекомуникациска инфраструктура.

„Преземавме конкретни мерки за одбрана на националниот интерес“

Регулативите ќе му овозможат на италијанското Министерство за финансии да купи малцински удел во NetCo, вреден „до 2,2 милијарди евра“ и да стапи во партнерство со американски фонд и домашни инвеститори, рече министерот за економија Џанкарло Џорџети.

Уделот ќе го купи и италијанскиот инфраструктурен фонд F2I, кој ќе го зголеми сопственичкиот удел на италијанските инвеститори во мрежата на 30 до 35 отсто, а министерот Џорџети рече дека и државната инвестициска банка Cassa Depositi e Prestiti (CDP) би можела да инвестира во компанијата.

„Владата презеде конкретни мерки за одбрана на националните и работничките интереси“, се вели во изјавата на премиерката Мелони.

Потребни се инвестиции за замена на бакарни кабли со оптички

„Владата сака да ја врати контролата во одредени стратешки опции во областа на инфраструктурата што ги сметаме за стратешки“, додаде Џорџети. Рим ќе ја финансира инвестицијата со издавање државни обврзници, изјави упатениот извор.

Откупот на акции во мрежата ќе ги замени другите финансиски операции кои се веќе вклучени во најновите прогнози за државните финансии и нема да влијае на учеството на долгот во БДП, додаде изворот. Фиксната мрежа во сопственост на Телеком Италија е столбот на италијанската телекомуникациска инфраструктура, а владата со години се обидува да привлече инвестиции за да ги замени бакарните кабли со оптички.

Телеком Италија е принуден да ги продаде клучните средства за да го намали долгот и да ја намали својата работна сила, а овој потег претставува преседан меѓу поранешните државни телекомуникациски монополи во водечките европски економии, забележува Ројтерс.