Америка повторно го нападна Иран, Техеран возврати со напад на американската база

Американската војска започна нови напади врз Иран, насочувајќи се кон локации за кои американските претставници веруваат дека претставуваат закана за американските сили и комерцијалните бродови во Ормускиот теснец, потврди неименуван американски претставник за Ројтерс.

Официјалниот претставник додаде дека американската војска, исто така, пресретнала и соборила неколку ирански дронови кои претставувале слична закана.

Набрзо следеше одговорот на Техеран. Вооружените сили на Иран објавија дека, како одговор на американскиот напад во близина на аеродромот Бандар Абас, тие ја насочиле кон американска воздухопловна база.

Странските агенции известуваат дека американската база во Кувајт е нападната.

Претходно ненајавените американски воени напади се случија во време на разговори за ставање крај на тримесечната војна во која загинаа илјадници луѓе и се зголемија глобалните цени на енергијата.

Претседателот на САД, Доналд Трамп, претходно во среда го отфрли извештајот на иранските државни медиуми дека Иран и Оман заеднички ќе управуваат со превозот низ Ормускиот теснец како дел од мировниот договор. Трамп рече дека водниот пат ќе остане отворен.

САД последен пат извршија, како што ги нарекуваат, одбранбени напади против Иран во понеделник, што Иран го нарече кршење на кревкото примирје меѓу двете земји. Американските цели вклучуваа бродови што се обидуваа да постават мини и места за лансирање ракети. САД ги сметаа за закана за своите сили.

Вооружените сили на Иран објавија дека нападнале американска воздухопловна база како одговор на американскиот напад во близина на аеродромот Бандар Абас. Тие не прецизираа за која база станува збор, но предупредија на порешителен одговор и рекоа дека одговорноста за последиците е на агресорот, пишува новинската агенција Тасним.

Странските агенции јавуваат дека американската база во Кувајт била нападната.

„Непријателот знае дека агресијата нема да остане без одговор“, се вели во соопштението. Оваа ескалација дополнително ја зголемува неизвесноста околу опстанокот на примирјето меѓу САД и Иран.

Најновиот инцидент доаѓа откако Вашингтон претходно оваа недела изјави дека започнал напади во самоодбрана, таргетирајќи бродови за кои рече дека поставувале мини. Техеран ги нарече нападите кршење на постојното примирје.

Во исто време, се појавија контрадикторни информации за можен договор. Иранската државна телевизија објави дека е изготвена „почетна неофицијална рамка за меморандум за разбирање“ меѓу двете страни. Според овој план, американските сили ќе се повлечат од близина на Иран и ќе ја укинат поморската блокада на иранските пристаништа.

Сепак, од Вашингтон ги отфрлија тие тврдења за нацрт-договорот, нарекувајќи ги целосна измислица.