Amdi Bajram: Zaev tregoi punë, Mickoski nuk është politikan i rangut tim!

Deputeti Amdi Bajram ka qenë mysafir në studion e 1TV ku ka folur për zhvillimet e fundit dhe bashkëngjitjes së partisë së tij në koalicionin qeveritar.

“Unë jam politikan aq vite dhe të gjithë duhet të kuptojnë, nuk duhet të ngritet shumë pluhur rreth meje pasi jam politikan dhe e di se si duhet vepruar. Në interes të romëve patjetër të shoh se kush është në pushtet…”, ka thënë Bajram.

Ai ka thënë se ka qenë lojal ndaj gjitha qeverive, por që tani nuk dëshiron të bashkëpunoj me liderin e ri Hristijan Mickoski pasi ai nuk është politikan i rangut të tij.

“Unë Zaevin nuk e llogarisja si politikan, një kohë si kryetar komune. Nuk besoja se Zaev do të tregoj punë, se në Maqedoni, Evropë dhe botë do e mbështesin të gjithë. Unë i kam kërkuar falje në takimin e parë…”, ka thënë Bajram.