„Амазон“ заработил милијарда долари преку таен алгоритам

„Амазон“ користел различни незаконски стратегии за да го зголеми профитот во својата онлајн малопродажна империја, вклучително и алгоритам кој ги зголемил цените што ги плаќаат американските домаќинства и извлекол повеќе пари од независните трговци на мало, зголемувајќи ги приходите за повеќе од 1 милијарда долари, соопшти американската Федерална трговска комисија. ФТЦ во нова судска пријава.

Жалбата на ФТЦ беше поднесена во септември, но сега е изменета.

„Амазон“, кој има милијарда производи во својата онлајн понуда, создаде таен алгоритам внатрешно наречен „Проект Неси“ за да идентификува конкретни производи за кои предвидува дека другите онлајн продавници ќе ги следат поскапувањата на „Амазон“, пишува „Економик тајмс“.

„Проектот Неси“ беше искористен за да се извлечат повеќе од милијарда долари директно од џебовите на Американците, соопшти ФТЦ.

Портпаролот на „Амазон“, Тим Дојл, рече дека ФТЦ „погрешно ја карактеризирал“ алатката за цени и дека компанијата престанала да ја користи пред неколку години.

„Неси беше искористена за да се спречи компанијата да ги усогласи цените што би довело до необичниот исход на цените да станат толку ниски што да бидат неодржливи“, рече Дојл.

ФТЦ го нарече алгоритамот Неси нелојална метода на конкуренција бидејќи манипулира со други онлајн продавници за да ги зголемат цените, дозволувајќи му на „Амазон“ да го стори истото.

ФТЦ, исто така, го обвинува „Амазон“ дека се обидува да ги скрие информациите за операциите од антимонополските власти користејќи ја функцијата за пораки што исчезнуваат на апликацијата за пораки „Сигнал“, и тврди дека компанијата ги уништила комуникациите од јуни 2019 година до почетокот на 2022 година.