Амал Клуни предлага формирање меѓународен суд за терористи

Таа потсети дека претходно беа формирани слични меѓународни судови за воени злосторства извршени во Руанда и земјите од поранешна Југославија.

– Во борбата против ИД се обединија 79 држави, па зошто тогаш да не се формира и суд во Хаг, или во тој регион, за да им се суди на милитантите?, праша Клуни на седницата на Советот за безбедност на ОН, на која зборуваше за сексуалното насилство во вооружените судири.

Според неа, терористите од ИД спроведувале системско силување над жените од заедницата Језиди, поради што апелираше одговорните за тоа да одговараат за извршените злосторства.

– Цел на глобалната коалиција е пораз на ИД, но тоа не е можно без задоволување на правдата. Само воен успех – не е решение, порача Клуни.

Амал е сопруга на оскаровецот Џорџ Клуни.