Алијансата за Албанците и Алтернатива од денеска ја почнуваат кампањата


Коалицијата на Алијансата за Албанците и Алтернатива доцна вечерва соопшти дека од понеделник ја почнува изборната кампања. Во соопштението на партијата се наведува дека мотото на кампањата за предвремените избори е „Сега е време“, но не е напишан датумот кога тие ќе се одржат. Но почетокот на кампањата соодветствува на термините за изборните активности кои треба да завршат со гласање на 5 јули.

Коалицијата вели дека слоганот „Сега е време“ подразбира дека е дојдено времето за демократија кај Албанците и уште додава: „Сега е време за промена кај Албанците! Сега е време за еднакви права! Сега е време за еднакви инвестиции! Сега е време за правда која не ги бира граѓаните според етничка, политичка и верска припадност! Сега е време за квалитетно образование! Сега е време за квалитетно здравје! Сега е време за држава за сите!“