Ако одите за Грција, подгответе се! Викендов затворен дел од обиколницата околу Солун

Поради целосно прекинување на сообраќајот во двата правци на источната внатрешна обиколница околу Солун, возачите ќе бидат принудени да користат алтернативни правци низ центарот на градот од петок навечер до сабота навечер, поради што се очекуваат големи гужви.

Дел од источната внатрешна обиколница во Солун ќе биде целосно затворен за сообраќај во двата правци од петок, 3 јули 2026 година во 23 часот, до сабота, 4 јули во исто време.

Во овој период ќе се воведе целосно прекинување на сообраќајот, а возачите ќе мора да користат алтернативни правци во овој дел од Грција.

Како што е најавено, возилата што се движат кон Кавала и Катерини ќе бидат пренасочени низ центарот на градот, додека истиот режим ќе важи и за оние што патуваат кон Халкидики и аеродромот.