Ахмети негира дека има поделби во партијата

ДУИ ги отфрла гласините за поделби во партијата, нарекувајќи ги заговор во јавноста. Во соопштението од партијата по вчерашиот одржан состанок на Централното раководство, е наведено дека средбата имала за цел да се разговара за последните случувања во извршната власт и внатре во партијата. Во него е наведено дека состаноците до сега на ова ниво не се оддржувале поради пандемијата, но сега имало потреба од дебата и дискусија, во која биле расчистени сите дилеми и немало простор за делби.

„ДУИ е на пат да преземе нови одговорности. Не се зборуваше за оставки, туку само за напредок“, рече претседателот на партијата Али Ахмети по состанокот на централното раководство на ДУИ.

Во однос на протестите против пресудата за судскиот случај „Монструм“ Ахмерти изјави дека „овие луѓе се користат за политички цели“ и дека од ДУИ секогаш охрабрувале, барале меѓународна истрага за овие случаи и дека ДУИ ќе продолжи да го прави истото. Тој додаде дека се обидуваат да им обезбедат контакти од меѓународните инститиции на луѓето засегнати од случајот.
„Побаравме меѓународна истрага за прашањето за вчерашните протести до странски експерти на оваа област, каде добивме позитивен одговор од нашите американски пријатели, како и од Европската Унија. Постојат и повисоки инстанции каде за ова прашање може да се поднесе жалба и што се однесува до нас, ќе сториме се што можеме “, рече претседателот Ахмети.