Аеродромци може да ја користат дигиталната платформа „е-Логес“ за голем број општински услуги

Минатата недела во општина Аеродром беше промовирана првата платформа за дигитални општински услуги е-Логес.

Истата беше презентирана и пред заинтересирани граѓани и претставници на невладиниот сектор од Аеродром и Кисела Вода.

– Е-Логес е платформа финансирана од УНДП, која во моментов ја користат 18 општини. Преку неа, во наредниот период граѓаните ќе можат онлајн да добијат 16 општински услуги, а на срдбата граѓаните и невладините организации предложија идеи за тоа кои услуги сметаат дека треба да се даваат во дигитална форма, велат од локалната самоуправа на Аеродром. 

Со оваа платформа, граѓаните ќе можат електронски да ги генерираат своите барања, електронски да ги плаќаат предвидените административни такси, ќе можат да го следат статусот на предметот и да бидат информирани кога нивните барања ќе бидат завршени или пак да приложат дополнителни документи доколку нешто недостасува во постапките.