Тројца повредени во синоќешната сообраќајка кај мостот „Беласица“
Тројца лица се здобиле со телесни повреди во сообраќајна несреќа што се случи синоќа на улицата „Беласица“ во Скопје.
Според информациите од МВР, несреќата била пријавена, околу 20:50 часот, кај крстосницата со улицата „Ѓуро Ѓоновиќ“, во правец кон трговскиот центар „Ист гејт“.
Во несреќата учествувале патничко возило „мерцедес“, управувано од 37-годишниот М.П. од Скопје, и автомобил „ауди“, зад чиј волан бил 21-годишниот О.Ц., исто така од Скопје.
Од судирот, двајцата возачи и еден сопатник се здобиле со телесни повреди. Увид на местото на несреќата извршила екипа на СВР Скопје.