Дуо пијано со концерт во рамки на „Златна лира 2026“ во Музејот на македонската борба

Во рамки на фестивалот „Златна лира 2026“, вечер во Музејот на македонската борба ќе настапи Дуо пијано, составено од пијанистите Јасна Аврамовска и Дарко Мариновски.

На програмата се дела од Јохан Себастијан Бах, Франц Шуберт, Винченцо Белини и Едвард Григ, при што посебен акцент е ставен на премиерната изведба на „Две симфониски пиеси“ од Григ.

Јасна Аврамовска е пијанистка со долгогодишна концертна и педагошка кариера. Музичкото образование го стекнала во Скопје и Софија, а настапувала на бројни фестивали и концертни сцени во земјава и странство, соработувајќи со истакнати македонски и меѓународни музички уметници, оркестри и ансамбли.

Дарко Мариновски дипломирал и магистрирал на Факултетот за музичка уметност во Скопје. Покрај концертната дејност, активен е како композитор, аранжер, музички педагог и универзитетски професор. Во својата кариера има создадено музика за филм и театар и реализирано настапи во земјата и во странство.

Организаторите најавуваат програма што обединува дела од различни музички стилови и епохи, од барокот до романтизмот.

Влезот на концертот е слободен.