Анкета на Ројтерс/Ипсос: Поддршката за Трамп е на најниско ниво во двата негови мандати како претседател на САД

Поддршката за Доналд Трамп е 31 процент, најниска во двата негови претседателски мандати, според анкетата на Ројтерс и Ипсос. Тоа е еден процентен поен помалку отколку во претходната анкета пред две недели.

На прашањето за кого би гласале доколку денес се одржат избори за Конгресот, 47 проценти од регистрираните гласачи рекле дека би гласале за демократскиот кандидат, а 35 проценти за републиканскиот кандидат.

Предноста на демократите од 12 процентни поени е најголема во овогодинешниот изборен циклус досега.

САД избираат членови на Конгресот на 3 ноември. Трамп започна нова кампања за да им помогне на републиканските кандидати во неизвесни трки.

Оценката за партиските преференции не е прогноза за исходот од изборите. Испитаниците одговорија за која партија би гласале, а претставничките места се добиваат во поединечни федерални држави и изборни области.

Анкетата на Ројтерс и Ипсос беше спроведена онлајн меѓу 1.679 возрасни Американци, вклучувајќи 1.279 регистрирани гласачи. 

Републиканците моментално имаат тесно мнозинство во двата дома на Конгресот. Губењето на мнозинството во кој било од нив би му отежнало на Трамп да ја спроведе својата политичка агенда во последните две години од неговиот мандат.