Кајли Џенер дебитираше на ревијата на „Викторијас сикрет“ во градник од 50 милиони долари

Њујорк – Основачката на „Kylie Cosmetics“ , Кајли Џенер, дебитираше на модната ревија на „Victoria’s Secret“  во Њујорк , појавувајќи се неочекувано во престижниот „Fantasy Bra“ (фантастичен градник) вреден 50 милиони долари, додека нејзиното момче Тимоти Шаламе и мајка ѝ Крис Џенер ја бодреа од публиката.

Џенер – првата личност која не е модел на „Victoria’s Secret“ што го носела овој градник – се појави со впечатливи бели ангелски крилја и парче накит украсено со дијаманти, кое имаше и реси од скапоцени камења што висеа од долниот дел.

Сепак, главниот адут беше дијамантот од 75,54 карати, вреден 22 милиони долари, поставен во центарот на градникот.

Таа го заокружи својот изглед со светкави гаќички кои ѕиркаа под проѕирното мини здолниште, додека чекореше на звуците на песната „Angel of my Dreams“ од Џејд Тирлвол.

Додека 29-годишната ѕвезда го презентираше „Fantasy Bra“ – кој повторно се појави на пистата откако последен пат го носеше Ела Хоск во 2018 година – Шаламе и Крис, заедно со нејзиното момче Кори Гембл, ја бодреа Џенер од своите места во студиото „Sony Pictures“ во Калвер Сити, Калифорнија.

Брендот за накит „Jacob & Co.“ сподели детали за изработката на градникот, чија вредност изнесува 50 милиони долари, што го прави најскапиот „Fantasy Bra“ досега.

„Кога ’Victoria’s Secret‘ побара од нас да преосмислиме една од нивните најкултни креации, сè започна со едно прашање: што ако воопшто нема ткаенина?“ – напишаа од компанијата на Инстаграм по ревијата. „Она што започна како скица со молив, прерасна во ремек-дело на јувелирскиот инженеринг.“ 

„Изработена од 3.218 посебно дизајнирани компоненти, оваа креација се движи заедно со телото како долна облека, спојувајќи го сјајот на високиот накит со флуидноста на модата“, се додава во соопштението. „За изработката беа потребни повеќе од 1.000 часа, 15 занаетчии и 4.410 природни дијаманти.“ 

За да ја реализираат оваа идеја, компанијата се потпре на вредностите што ги споделува со брендот за долна облека. „Две икони, едно заедничко верување“, заклучија од „Jacob & Co. Jewelry“ – „вистинскиот спектакл треба да разбуди радост, да влее самодоверба и да побуди емоции.“

Во продолжение повеќе од Џенер и сите „ангели“ на модната писта на модната ревија на „Victoria’s Secret“ во 2026 година.