Масовно се купуваат словенечки домени. Причина е одлуката на Трамп за „прекрстување“ на ВИ
Предлогот на американскиот претседател Доналд Трамп за преименување на вештачката интелигенција (ВИ) во „супер интелигенција“ (СИ) се совпадна со рекордно зголемување на регистрациите на словенечките интернет домени (кои се со иста таква ознака, заб.).
Националниот регистар на Словенија објави дека во септември имало огромна побарувачка за .si домени, кои ја користат истата кратенка. Според портпаролката на регистарот, Клара Херман, во септември биле регистрирани 44.000 .si адреси, додека во август имало помалку од 2.000. Ова е зголемување од речиси 2.200 проценти. Сопругата на Трамп, Меланија, за потсетување, е од словенечко потекло.
Трамп предложи промена на името на 11 септември во говорот на Генералното собрание на ОН во Њујорк. „Зборот „вештачко“ прави сè да звучи лажно. И не е лажно, всушност е неверојатно. Но, мора да бидеме внимателни… Добредојдовте во новиот свет на супер интелигенција“, рече тој.
Интернет домените се уникатни адреси кои се внесуваат во прелистувачите за пристап до веб-страниците.
Клара Херман истакнува дека септемвриските бројки значително отстапуваат од остатокот од годината, но е претпазлива во припишувањето на целиот пораст исклучиво на изјавите на Трамп. Таа потврди дека активноста на крајот на септември била на ниво кое не е видено во минатата година. На пример, само на 30 септември биле регистрирани 11.000 нови домени.
TRUMP: Posts September 29, 2026 executive order requiring executive branch to replace “Artificial Intelligence” and “AI” with “Super Intelligence” and “SI https://t.co/g8oS5DTQ8T
— Trump Truths (@trumptruthsbot) September 30, 2026
Едно објаснување за масовната купување е таканареченото „кибер-сквотирање“. Ова е практика на шпекулативно купување домени со цел подоцна да се продадат по повисока цена. Пример е случајот со Рик Шварц, кој го купи доменот men.com за 15.000 долари во 1997 година и го продаде седум години подоцна за 1,32 милиони долари.
Завчера, претседателот Трамп беше домаќин на извршни директори на водечки технолошки компании на состанок што го нарече „вонреден собир“ на луѓе кои „го градат златното доба на Америка“. По состанокот, тој потпиша извршна наредба со која им се наредува на американските министерства и агенции да ги користат термините „СИ“ и „суперинтелигенција“.
Регулативата дефинира дека терминот ВИ повеќе не треба да се препознава и дека СИ ќе го замени во официјалната кореспонденција, на веб-страниците и во извештаите. Сепак, фотографиите од потпишаната наредба се проширија на социјалните мрежи бидејќи беше откриено дека името на државата – „Соединети Американски Држави“ – е погрешно напишано под потписот на Трамп.