Европа се соочува со „мрачна зима“, предупреди белгискиот министер за одбрана

Европа мора брзо да ја подобри противвоздушната одбрана, бидејќи Русија продолжува со хибридни активности што претставуваат закана – изјави белгискиот министер за одбрана Тео Франкен.

– Во следните месеци ќе има уште заканувачки хибридни активности. Европа ја очекува мрачна зима – рече Франкен пред учесниците на Самитот за одбрана и вселената, организиран од „Еуроњуз“ во Брисел. 

– Мора да ја зајакнеме противвоздушната одбрана, ни требаат поголеми резерви и зголемување на производството. Сè мора да се одвива побрзо –  додаде Франкен.

Белгија вчера потпиша договор вреден околу 1,04 милијарди долари со норвешката компанија „Конгсберг“ за набавка на системи за противвоздушна одбрана НАСАМС (NASAMS), што е дел од нејзините напори за зајакнување на сопствениот одбранбен систем.