Нов скандал го потресе УС Опен

Нов скандал го потресе УС Опен. Само неколку дена по дисквалификацијата на Новак Ѓоковиќ, Русинот Данил Медведев го покажа својот темперамент на теренот во поразот од Доминик Тим со 2-6, 6-7 (7), 6-7 (5).

Дваесет и четиригодишниот тенисер ги нападна судијата на столицата и супервизорот на турнирот, што му донесе казна за кршење на правилникот. Причината за ова беше што на Русинот му беше одземена можноста да оспори погрешна пресуда. Ова, за возврат, го чинеше брејк на сопствен сервис.

Скандалот се случи на 3:2 во корист на Тим во првиот сет. Медведев испрати долга топка при сервисот, но судиите не се огласија. Тим ја врати топката во игра, а Русинот ја заби во мрежата, верувајќи дека има пресудено аут при сервис.

Судијата на столицата Дамијан Думусоа му ја одзеде можноста на Даниил Медведев да ја оспори одлуката, бидејќи тој ја удри топката пред да побара преиспитување на одлуката. Ова го разбесни рускиот тенисер, па дури и Тим застана на негова страна, бидејќи сервисот очигледно беше во аут.

За да ја објасни својата позиција, лутиот Медведев отиде на другата половина од теренот за да покаже каде падна топката. Сепак, ова му донесе казна за кршење на кодексот со правила, а преминувањето на мрежата се смета за такво. 24-годишниот московјанец тогаш се скара со супервизорот Вејн Мекеван.

„Зошто прекршување на кодексот? За преминување мрежата? Ах, извини! Мислев дека убив некого! УС Опен е пародија. Искрено се извинувам што ја преминав мрежата“, рече Медведев фрлајќи го својот рекет.

Медведев не успеа да се опорави од овој ментален колапс и го загуби првиот сет со 6:2. Доминик Тим потоа ги доби другите два сета во тај-брејк и се пласираше во финалето на УС Опен за прв пат во кариерата.

Во финалето Австриецот ќе се соочи со Александар Зверев од Германија.