13 март во историјата – Во Петроград убиен е рускиот цар Александар II

Царот Александар II, владетел на Русија од 1855 година, е убиен на улиците на Петроград од бомба фрлена од член на револуционерната група наречена „Народна волја“. „Народната волја“, организирана во 1879 година, употреби тероризам и атентат во нивниот обид да ја собори руската царска автократија. Тие убија функционери и имаа неколку обиди да го одземат животот на царот пред конечно да го убијат на 13 март 1881 година.

Како цар, Александар направи многу за либерализација и модернизација на Русија, вклучително и укинувањето на крепосништвото во 1861 година. Меѓутоа, кога неговиот авторитет беше оспорен тој стана репресивен и жестоко се спротивстави на движењата за политички реформи. Иронично, истиот ден кога беше убиен, тој потпиша прокламација – таканаречениот устав Лорис-Меликов – со кој ќе се создадат две законодавни комисии составени од индиректно избрани претставници.

Него го наследи неговиот 36-годишен син Александар III, кој го отфрлил уставот Лорис-Меликов. Убијците на Александар II беа уапсени и обесени, а „Народна волја“ беше целосно сузбиена. Селската револуција за која се залагаше „Народна волја“ беше остварена од болшевичките револуционери на Владимир Ленин во 1917 година.