Јункер против независноста на Каталонија

„Стремежот на Каталонија за независност е „катастрофа“, против која ќе се бори Европската унија со цел да го поддржи единството на Шпанија“, изјави претседателот на Европската комисија Жан-Клод Јункер.

„Каталонија е огромна грижа. Не ми се допаѓа ситуацијата што ја предизвика. Тоа е катастрофа за повеќе работи. Ги поткопа политичките односи, ги раздели шпанските и каталонските граѓани, предизвика проблеми во семејствата, меѓу пријателите. Тоа е тажно“, нагласи Јункер.

Тој испрати порака до разрешениот претседател на каталонската Владата Карлес Пуџдемон, дека приврзаниците на отцепувањето на Каталонија од Шпанија „не треба да ја потценуваат големата поддршка што ја има шпанскиот премиер Мариано Рахој во Европа“.

„Сметам дека регионалните избори во Каталонија во декември би требало да ја подобрат ситуацијата“, заклучи Јункер.