Јувентус сака Лукаку да го замени Манџукиќ
Италијанскиот хегемон Јувентус може да се обиде да го привлече Ромелу Лукаку од Манчестер Јунајтед, објавија британските медиуми.
Лукаку (25) се претставува слабо во дресот на „црвените ѓаволи“, откако има 6 гола досега во сезоната во 22 натпревари.
Штабот на италијанскиот шампион гледа во белгискиот напаѓач идеална долгорочна замена за 32-годишниот Марио Манџукиќ.
Самиот Лукаку претходно оваа сезона објави дека се уште не може да се прилагоди на играта на Јунајтед и тоа е една од причините за неговата слаба форма.
Јувентус може да го искористи Даглас Коста, за кого интерес покажува тимот од „Олд Трафорд“, како дел од договорот за привлекување на Белгиецот.