Шекеринска: Парите од МО за референдумот се одвоени од средствата за поддршка на НАТО


Ниту еден денар од парите наменети за Армијата на Република Македонија не е опфатен со измената, односно со одвоените 60 милиони денари од Минстерството за одбрана за кампања за референдумот, одговори денеска министерката Радмила Шекеринска на обвинувањата на Синдикатот на одбраната за наводно „скратени пари“ од МО и АРМ.
-Се работи за средстава кои беа насочени кон активност во поддршка во нашите НАТО интеграција, но кои не беа во делот на логистика нуту потреби на Армијата на Република Македонија, истакна Шекеринска и додаде дека нечесно е други луѓе да ги врзуваат едното со другото.
Таа ги коментираше и обвинувањата дека состојбата во Армијата не е, како што рече, розева, но нагласи дека тоа е резултата на 10-годишното занемарување и неинвестирање во АРМ.
-Најавената набавка на инженериски машини и неборбени возила кои почнаа во август, е најдобар демант дека ниту еден денар од парите наменети за АРМ нема да биде потрошен за други намени, истакна министерката Шекеринска.
Таа ги демантираше и обвинувањата дека Министерсвото нема обезбедено превоз за војниците кои патуваат до своите работни места и дека не им се исплаќаат ноќните дежурства. Појасни дека од 45 релации дефинирани од Генералшатабот за превоз на војниците само за пет не се поминати јавните набавки, бидејќи била понудена поголема сума од онаа која ја била одредена од ГШ на АРМ. Министерката информираше дека од први јули оваа година е променет и правилникот кој повеќе години на војниците не им овозможувал да добијата парични средства за ноќниот труд, туку добивале слободни денови. Сега, како што рече Шекеринска, за секој припадник на АРМ кој ќе се упати на повеќе од едно-дневно дежурство, ќе му се исплати дневница и нема да добие слободен ден.