(ФОТО) Езеро од дожд се создаде на Матка

Врнежите од дожд предизвикаа хаос во сообраќајот и во Скопје и пошироко низ земјата. На фотографиите направени вчера и денеска на Матка се гледа дека е направено мало езеро од дожд.

Во изминатите 24 часа најмногу дожд во земјата наврнало во Куманово 21 л/м2, во Маврово и Ѓуриште 14, во Битола 11, во Пожаране и Претор 10, во Струмица девет, во Прилеп и Скопје – Зајчев рид осум, Дојран и Тетово седум литри на метар квадратен…

Од УХМР најавија пороен дожд, грмежи и засилен ветер. Повеќе врнежи се очекуваат во западните делови од земјата. Локално процесите ќе бидат поинтензивни во форма на невреме со можна појава на град. Температурата ќе се движи од 19 до 28 степени. Во Скопје температурата ќе се движи до 27 степен.

Во наредните денови продолжува периодот на променливо облачно време со повремен пороен дожд, грмежи и засилен ветер, особено во попладневните часови.

Утре се уште локално ќе има услови процесите да бидат поинтензивни, а во вторник и во среда појавата на пороен дожд и грмежи ќе биде поретка и со послаб интензитет.